హాస్యాంజలి: వృత్తి సంబందమైనా హాస్యం

వృత్తి సంబందమైనా హాస్యం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

వృత్తి సంబందమైనా హాస్యం లేబుల్‌తో ఉన్న పోస్ట్‌లను చూపుతోంది. అన్ని పోస్ట్‌లు చూపించు

నిద్ర

25, నవంబర్ 2012, ఆదివారం

"నాకీ మధ్య నిద్ర సరిగ్గా పట్టడం లేదండీ" Doctorతో అన్నాడు సూరిబాబు.
"ఏదైనా government ఉద్యోగం సంపాదించండి. మీసమస్య తీరుతుంది." చెప్పింది Doctor.

బెలూన్

18, నవంబర్ 2012, ఆదివారం

నాదస్వర విద్వంసుడు నారదన్ వరండాలో కూర్చుని ప్రాక్టీస్ చేస్తున్నాడు. ఓ పాప వచ్చి నమస్కరించింది.
"శుభమస్తు.. ఏం పాప నాదస్వరం నేర్చుకుంటావా? నెలకు నాలుగు వందలౌతుంది" అన్నాడు నారదన్.
"లేదంకుల్.. నా బెలూన్ ఎంతసేపు ఊదినా గాలి పోవడం లేదు. కొంచెం గాలి ఊది పెడతారేమోనని వచ్చాను" అన్నది.

1547 B.C.

29, ఆగస్టు 2012, బుధవారం

ఓ లారిడ్రైవర్, క్లీనర్ మ్యూజియం చూడడానికి వెళ్లారు. అక్కడో అస్థిపంజరం వేలడదిసి ఉంది. దాని కింద 1547 B.C. అని రాసి ఉంది. ఎంట్రోయ్ మొన్న లారి కిందపడి చచ్చిపోయినోడు ఈడేనా గుసగుసగా అన్నాడు డ్రైవర్. అవునవును..... లారినేంబరు కూడా రాశారు అని డ్రైవర్ను బయటకి లాక్కొచ్చాడు క్లీనర్.

తొక్కలో పండు

14, ఆగస్టు 2010, శనివారం

"ఎంతోయ్ ఒక్కో అరటిపండు?" అడిగాడు హరికోటి పండ్లు అమ్మేకుర్రాడిని.

"ఒక్కోటి రూపాయి సార్" చెప్పాడతను.

"ముప్పావలాకిస్తావా?"

"ముప్పావలాకు తొక్కవస్తుంది."

"సరే.... అయితే ఈ పావలా తీసుకుని తొక్క నువ్వుంచుకుని పండు నాకివ్వు" అన్నాడు హరికోటి.

పోలీసుకెందుకు జేబులు

17, ఏప్రిల్ 2010, శనివారం

పోలీసు నారాయణ: ఏంటయ్యా నా ప్యాంట్‍కు, షర్టుకు జేబులు అస్సలు కుట్టలేదు? మరి నేను డబ్బులు ఎక్కడ దాచుకోవాలి ?" కోపంగా అన్నాడు టైలర్‍తో.
టైలర్: "పోండి సార్ భలేవారు మీరు. పోలీసులెక్కడైనా తమ జేబుల్లోంచి డబ్బు తీసి ఖర్చు చేస్తారా ఏంటి? అందుకు పెట్ట లేదు" అన్నాడు.

ఎవరు గొప్ప

13, మార్చి 2010, శనివారం

టీ తాగడానికి సూరి 'చంద్రం టీ కొట్టుకు' వెళ్ళాడు. అక్కడ చంద్రం తన గొప్పలు చెప్పుకుంటున్నాడు.
టీ కొట్టు చంద్రం: బిల్‌గేట్స్‌కు ఉన్నంత డబ్బు సంపాదించి అంతకన్నా గొప్పవాణ్ణి అవుతా
సూరి: గేట్స్‌కు ఉన్నంతే సంపాదిస్తే అతడూ నువ్వూ సమానం మాత్రమే అవుతారు కదా? అంటూ అనుమానంగా అడిగాడు.
టీ కొట్టు చంద్రం: బిల్‌గేట్స్‌కు నాలా టీ కొట్టు లేదుగా అందుకని నేనే గొప్ప అని బడాయిగా చెప్పాడు.

వాళ్లబ్బాయికి పదేళ్లు

9, మార్చి 2010, మంగళవారం

పండక్కి మంచి సూట్‌ కుట్టిచాలని ఖరీదైన బట్ట కొన్నాడు వీరేశం. దాన్ని తీసుకుని వాళ్ల వీదిలో
ఉన్న టైలర్‌ దగ్గరికి వెళ్లాడు.
బట్టను టేపుతో కొలిచి ఇది సరిపోదు సార్‌.... మీకు చిన్నదవుతుంది పెదవి విరచాడు దర్జీ.
అతడి మాటను నమ్మాలనిపించక మరో టైల‌ దగ్గరికి వెళ్లాడు వీరేశం. బట్టను కొలిచి సంత్రప్తిగా
తలూపాడు రెండోదర్జీ.
వారంరోజుల తర్వాత సూట్‌ తెచ్చుకుందామని వెళ్లిన వీరేశానికి దర్జీ ఐదేళ్ల కొడుకు కనిపించాడు.
వాడికీ తన బట్టలోనే డ్రెస్‌ కుట్టినట్టు గమనించాడు.
నేనిచ్చిన బట్టలో నాకు సూట్‌ కుట్టావు, అందులో మిగిలిందానితో నీ కొడుక్కు కుట్టుకున్నావు.
సరే, నీమీద నాకు కోపంలేదు. నాకు అర్దం కానిదల్లా ఆపక్క వీది దర్జీ బట్ట సరిపోదని ఎందుకు
చెప్పాడు ఆశ్చర్యంగా అడిగాడు వీరేశం.
అదా.... వాళ్లబ్బాయికి పదేళ్లు సార్‌....

మీలా కాదు

3, ఫిబ్రవరి 2010, బుధవారం

ఇద్దరు న్యాయవాదులు ఓ ఊరికి వెళ్లారు. అక్కడ నూనె తీసే గానుగ కనబడింది. యజమాని లేకపోయినా ఎద్దు ఒకే వేగంతో చుట్టూ తిరుగుతుంది.
పక్కనే ఉన్న గుడిసెలోకి వెళ్లి చూస్తే ఒకాయన చద్దన్నం తింటున్నాడు.
పెద్దాయనా..... అక్కడ ఎద్దును వదిలేసి, ఇక్కడ భోంచేస్తున్నావా? అడిగాడు ఓలాయర్.
అది నడక ఆపితే నాకు తెలుస్తుందిలే నములుతూనే జవాబిచ్చాడు ముసలయ్య.
ఎలా? అని ప్రశ్నించాడు లాయర్.
దాని మెడలో కట్టిన గంట చప్పుడు ఆగిపోతుంది.
ఒకవేళ అది అక్కడే నిలుచుని మెడను అటూ ఇటూ ఊపినా గంట శబ్దం వస్తుందిగా సందేహం వ్వక్తంచేశాడు మరో లాయర్.
అది వకీల్ కాదుగా బాబూ.... కేసును అక్కడే ఉంచి కదిపినట్టు నటించడానికి చురకేశాడు పెద్దాయన.

ఆకాశంలో అరగంట టెన్షన్

22, జనవరి 2010, శుక్రవారం

విమానంలో ఏదో సాంకేతిక లోపం తలెత్తింది. ఉన్నది ఒకటే ప్యారాచూట్‌. అప్పుడు ప్రయాణికుల్లో వీళ్లంతా ఉంటే వారి స్పందన ఎలా ఉంటుందో ఊహిద్దాం!
నిరాశావాది: ఆ ప్యారాచూట్ పనిచేస్తుందన్న నమ్మకమేమిటని అనుమానించి దాన్ని తీసుకోవడానికి నిరాకరిస్తాడు.
ఆశావాది: ప్యారాచూట్ లేకపోయిన తాను బతుకుతాననే నమ్మకంతో దాన్ని తీసుకోడు.
బ్యూరోక్రాట్‌: అసలు ఆ ప్యారాచూట్ పనితీరూ తెన్నూ మీద ఓ నివేదిక వస్తే గానీ ఏం చేయాలో తేల్చుకోలేనంటాడు.
శాస్త్రవేత్త: అన్ని పరిస్థితుల్లోనూ అది ఒకేలా పనిచేస్తుందని నిరూపణ జరిగితేగానీ దాన్ని వినియెగించనంటాడు.
తత్వవేత్త: ఉన్నది నిజంగా ప్యారాచూటేనా? లేక అది మన భావనా? అన్న విషయం ఆలోచించాలంటాడు.
న్యాయవాది: విమానంలో ఒకే ప్యారాచూట్ ఉంచినందుకు ఎయిర్‌లైన్స్‌మీద దావా వేద్దామంటాడు.
రచయిత: "ఆకాశంలో అరగంట టెన్షన్‌" అన్న పుస్తకం రాయడానికి సరుకు దొరికిందని సంబరపడతాడు.

డొక్కు కారు

19, జనవరి 2010, మంగళవారం

అమెరికా వైశాల్యం భారత దేశం కంటే ఎక్కువా. ఓ సందర్భంలో రెండు దేశాల రైతులు కలుసుకున్నారు.
అమెరికా రైతు: మీ పొలం విస్తీర్ణం ఎంత? అని అడిగాడు భారత రైతుని.
భారత రైతు: నాకు రెండు ఎకరాలు ఉంది... అందులోనే అన్ని రకాలూ సాగుచేస్తాను... ఇంతకి మీది ఎంతుంటుంది? ఎదురు ప్రశ్నించాడు.
అమెరికా రైతు: అదా... నేను పొద్దున ఈ చివరినుంచి కార్లో బయలు దేరితే మధ్యాహ్ననికి గానీ అటువైపు చేరుకోను గర్వంగా చెప్పాడు.
భారత రైతు: నాకు కూడా అలాంటి డొక్కు కారే ఉంటే ఈ మద్యే అమ్మేశాను నవ్వుతూ అన్నాడు.

నో ఎంట్రీ

14, జనవరి 2010, గురువారం

చేతిలో కోడీతో బార్‌కు వెళ్లాడు పుళ్లారావు.
గార్డు: ద్వారంలోనే ఆపేస్తూ గాడిదలను మేము లోనికి అనుమతించం చెప్పాడు.
పుళ్లారావు: ఇది గాడిద కాదే ఆశ్చర్యంగా అన్నాడు.
గార్డు: నేను మాట్లాడుతోంది నీతో కాదు.... కోడితో అని బదులిచ్చాడు.

వంచి కొట్టండి

1, జనవరి 2010, శుక్రవారం

నాసా శాస్త్రవేత్తలు స్పేస్ షటిల్‌ను తయారు చేశారు. అంతా ఒకటికి రెండు సార్లు చెక్ చేశారు. అంతరిక్షంలొకి పంపే ముందు రాకెట్‌లొ సమస్య తలెత్తింది. శాస్త్రవేత్తలు ఎంత ప్రయత్నించినా సమస్యను కనుక్కోలేక పోయారు.
ఆఖరికి భారత శాస్త్రవేత్త అయిన విహార్‌ను సహాయం కోరారు. ఆ ఏముందీ, రాకెట్‌ను కుడిపక్కకు నలభై అయిదు డిగ్రీల కోణంలో వాల్చండి. ఆతర్వాత ప్రయోగించండి చెప్పాడు భారత శాస్త్రవేత్త విహార్.
ఆయన చెప్పినట్లు చేయగానే రాకెట్ అంతరిక్షంలోకి దూసుకెళ్లింది. నాసా శాస్త్రవేత్తలు ఆనందం పట్టలేకపోయారు.
ఇంత గొప్ప ఆలోచన ఎలా వచ్చింది? విహార్‌ను అడిగారంతా.
ఆ.. ఏముందీ. మా దేశంలో స్కూటర్‌లు స్టార్ట్‌ కాకుంటే... మేమంతా చేసేది అదే కదా విడమరిచాడు విహార్.

తప్పు తప్పే

21, డిసెంబర్ 2009, సోమవారం

పాపం ఉద్యోగిని మాత్రం బాస్ మినహాయించడు ఎందుకు?

బార్బర్ తప్పు చెస్తే…	న్యూస్టైల్ అవుతుంది.
డ్రైవర్ తప్పు చెస్తే…	కొత్తదారి దొరుకుతుంది.
తల్లిదండ్రులు తప్పు చేస్తే…	కొత్త తరం పుడుతుంది.
సైంటిస్టు తప్పు చేస్తే…	కొత్త ఆవిష్కరణ పుడుతుంది.
రాజకీయ నాయకుడు తప్పు చేస్తే…	కొత్త చట్టమవుతుంది.
టైలర్ తప్పు చేస్తే…	కొత్త డిజైన్ రూపొందుతుంది.
టీచర్ తప్పు చేస్తే…	కొత్త పాఠమవుతుంది.
బాస్ తప్పు చేస్తే…	కొత్త ఐడియాగా మారుతుంది.
ఉద్యోగి తప్పు చేస్తే…..	అది తప్పే అవుతుంది.

ఇది సరదాకి మాత్రమే ఎవరిని కించపరచడానికి కాదు.

మంచిరోజులు

27, నవంబర్ 2009, శుక్రవారం

మంత్రి: మీ పత్రికవల్ల నాకు అవమానం జరిగింది. క్షమాపణ ప్రచురించకపోతే ఊరుకోను అంటూ మండిపడ్డాడు .
ఎడిటర్: చాల్లే ఊరుకోండి. పదవికి రాజీనామా చేస్తున్నట్లు మీరే చెప్పారు. మీ స్టేట్మెంట్లో అక్షరం పొల్లు పోకుండా వేశాం. మా తప్పేంలేదు అని చెప్పాడు.
మంత్రి: ఆ స్టేట్మెంట్లో తేడాలేదులే. కానీ దాన్ని తీసుకెళ్ళి ప్రజలకు మంచిరోజులు అన్న కాలంలో వేశారు విసురుగా చెప్పాడు మంత్రి.

పిల్లలకు ఫ్రీ

24, నవంబర్ 2009, మంగళవారం

బస్టాండులో నిల్చున్నారు రవి, రవిభార్య, వాళ్ల ఇద్దరు పిల్లలు.
రవి: ఏయి.... ఆటో వస్తావా.... ఎంత? పిలిచాడు.
ఆటోడ్రైవర్: మీరూ మేడం ఇరవై ఇరవై ఇవ్వండి. పిల్లలను ఊరికే తీసుకెళ్తాను తెలివిగా చెప్పాడు.
రవిభార్య: పిల్లలూ మీరు అంకులుతో వెళ్ళండి. మేము వెనక బస్సులో వచ్చేస్తాం వెంటనే అంది.

ఊహాచిత్రం

26, అక్టోబర్ 2009, సోమవారం

కమాండర్ సైనికులకు శిక్షణ ఇస్తున్నాడు. యుద్ధం జరుగుతున్నట్లుగా ఊహించండి, శత్రువు దాడి చేస్తున్నట్లుగా ఊహించండి... అంటూ ఒకటే పరుగులు పెట్టిస్తున్నాడు.
ఆయాసంతో రొప్పుతూ ఆగిపోయాడు శిక్షణ తీసుకుంటున్న విజయ్.
కమాండర్: ఎందుకు ఆగావ్? అరిచాడు.
విజయ్: ఆగలేదు సార్ చెట్టును ఊహించుకుని పొజిషన్ తీసుకుంటున్నాను సార్.

దీనికి సబ్‌స్క్రయిబ్ చేయి: కామెంట్‌లు (Atom)

© ఇది రాంగోపాల్ యొక్క బ్లాగు

ఈ పేజి మొదటికి వెళ్ళండి.