పంచావతారం

నగేష్ చెకప్ కోసం వెటర్నరి డాక్టర్ దగ్గరికి వెళ్లాడు.
డాక్టర్: చూడు మిస్టర్.... మీరు వెళ్లాల్సింది నా ఎదురుగ్గా ఉన్న క్లినిక్కు సూచించాడు.
నగేష్: లేదు డాక్టర్.... నేను మీ కోసమే వచ్చాను.
డాక్టర్: ఇదిగో.... నువ్వు నాలా మాట్లాతున్నావు. నీ బాధేంటో చెప్పుకోగలుగుతున్నావు. అంటే నువ్వు మనిషివి. కానీ నేను పశువులకు వైద్యం చేసే డాక్టర్నే.
నగేష్: ఆ విషయం తెలిసే వచ్చాను
డాక్టర్: ఎందుకనీ?
నగేష్: ఎందుకంటే... పొద్దున్నే గుర్రంలాగా పరుగెత్తుకుని ఆఫీసుకు వెళ్ళాను. రోజంతా గాడిదలా పనిచేస్తాను. బాస్ పిలిచినప్పుడల్లా కుక్కలా తోక ఊపుతాను. రాత్రి ఇంటికి వచ్చి నా భార్యను చూడగానే పిల్లినైపోతాను......

Read more...

నా సొమ్ముతో సదివించుకుంటున్నారన్నమాట....

చౌరస్తాలొ ఉండే బిచ్చగాడికి రోజూ పది రూపాయలు ఇవ్వటం సూరి అలవాటు. ఉన్నట్టుండి ఒకరోజు నుంచీ ఏడున్నర రూపాయలే వేయడం మొదలు పెట్టాడు.
అలా రెండేళ్ళు గడిచాక ఒకనాడు ఐదు రూపాయలే ఇచ్చాడు.
బిచ్చగాడు: ఉండబట్టలేక సామీ... మొదట్లో పది రూపాయలు ఏసినారు గందా! మద్దిలో ఏడున్నరే యేశారు. ఇప్పుడదీ తగ్గించి ఐదు రూపాయలే ఇస్తున్నారేంది! కనికరించండి బాబయ్యా అన్నాడు.
సూరి: మొదట్లో నా పెద్దకొడుకు కాలేజీ చదువులకు వచ్చాడు. ఖర్చులన్నీ తగ్గించాను. అందుకే నీకూ రెండున్నర తగ్గించాను.ఆ తర్వాత నా రెండో కొడుకూ పై చదువులకొచ్చాడు....
బిచ్చగాడు: ఐతే నా సొమ్ముతో మీ కొడుకుల్ని సదివించుకుంటున్నారన్నమాట కానియ్యండి బాబయ్యా ఏం సేత్తాం మద్యలో కలగజేసుకొని నిట్టూర్చాడు.

Read more...

ఎండలో ఆరబెట్టాను....

పిచ్చాసుపత్రి పరిసరాల్లో ఉన్న బావిలో ఓ రోగి పడిపోయాడు. వెంటనే మరో రోగి జలందర్ అందులోకి దూకి అతడిని కాపాడాడు. ఈ విషయం అక్కడి డాక్టర్ కి తెలిసింది.
డాక్టర్: జలందర్ ఓ మనిషి నీళ్ళలో మునిగిపోతుంటే ధైర్యంగా దూకి కాపాడావంటే నీకు ఏ పిచ్చీ లేదన్నమాటే. నిన్ను వెంటనే డిశ్చార్జ్ చేసే ఏర్పాట్లు చేస్తానని చెప్పాడు.
జలందర్: చాలా సంతోషం డాక్టర్.
డాక్టర్: ఇంతకి నువ్వు కాపాడిన ఆ రోగి ఎక్కడ?
జలందర్: అదా.... నీళ్లల్లో బాగా నానిపోయాడు కదా డాక్టర్.... అందుకని ఎండలో ఆరబెట్టాను గర్వంగా చెప్పాడు.

Read more...

ముస్లిం సోదరులకు బక్రీద్ శుభాకాంక్షలు

Read more...

మంచిరోజులు

మంత్రి: మీ పత్రికవల్ల నాకు అవమానం జరిగింది. క్షమాపణ ప్రచురించకపోతే ఊరుకోను అంటూ మండిపడ్డాడు .
ఎడిటర్: చాల్లే ఊరుకోండి. పదవికి రాజీనామా చేస్తున్నట్లు మీరే చెప్పారు. మీ స్టేట్మెంట్లో అక్షరం పొల్లు పోకుండా వేశాం. మా తప్పేంలేదు అని చెప్పాడు.
మంత్రి: ఆ స్టేట్మెంట్లో తేడాలేదులే. కానీ దాన్ని తీసుకెళ్ళి ప్రజలకు మంచిరోజులు అన్న కాలంలో వేశారు విసురుగా చెప్పాడు మంత్రి.

Read more...

ఆపరేషన్ మౌత్

సువర్ణసుందరి: నా నోరు పెద్దగా ఉందని మీరెప్పుడూ బాధపడుతూ ఉంటారుగా.... నిన్న ఓ డాక్టర్ను కలిశాను.... ఆవిడ కొన్ని కుట్లు వేసి నోటిని సగం సైజు తగ్గిస్తుందట..... అదీ ఇదువేల్లోనే... ఉత్సాహంగా పూర్తి చేసింది.
భర్త: ఇదిగో..... పదివేలు వెంటనే అన్నాడు.

Read more...

నాన కోసం

విష్ణు ఇంటికొచ్చేసరికి భార్య సీత తన ఆరునెలల బాబుకి మాటలు నేర్పిస్తూ కనబడింది.
సీత: నా నా... అను.. నా నా అంటోంది ఆవిడా.
విష్ణు: అమ్మకు బదులు నాన్నా అని నేర్పిస్తున్నందుకు ఎంతో మురిసిపోయాడు.
వారాలు గడిచాయి.
ఓ అర్ధరాత్రి నా నా.... అంటూ బాబు ఏడుపు మొదలు పెట్టడంతో భార్యాభర్తలకు మెలకువ వచ్చింది.
సీత: అటుతిరిగి ముసుగుపెడుతూ... చుడండి... బాబు మిమ్మల్నే పిలుస్తూన్నాడు వెళ్లి ఎత్తుకోండి అని చెప్పింది.
అప్పుడు అర్ధమైంది నానా... అని ఎందుకు నేర్పించిందని.)

Read more...

పిల్లలకు ఫ్రీ

బస్టాండులో నిల్చున్నారు రవి, రవిభార్య, వాళ్ల ఇద్దరు పిల్లలు.
రవి: ఏయి.... ఆటో వస్తావా.... ఎంత? పిలిచాడు.
ఆటోడ్రైవర్: మీరూ మేడం ఇరవై ఇరవై ఇవ్వండి. పిల్లలను ఊరికే తీసుకెళ్తాను తెలివిగా చెప్పాడు.
రవిభార్య: పిల్లలూ మీరు అంకులుతో వెళ్ళండి. మేము వెనక బస్సులో వచ్చేస్తాం వెంటనే అంది.

Read more...

ఒకటేగా తక్కువ

రాంమూర్తి:తన కొడుకు చదివే స్కూలుకు వెళ్లి, మావాడు బాగా చదువుతున్నాడా అని క్లాసు టిచర్ను అడిగాడు.
స్కూల్ టిచర్: మిగతా సబ్జెక్టులు ఫరవాలేదు కానీ లెక్కలైతే రావట్లేదు.
రాంమూర్తి:ఏం?
స్కూల్ టిచర్: నాలుగోక్లాసుకొచ్చాడు. ఇప్పటికీ 2 +2= ఎంత అంటే చెప్పట్లేదు.
రాంమూర్తి: ఎంతఅంటున్నాడేమిటి?
స్కూల్ టిచర్: మూడు(౩) అంటున్నాడు.
రాంమూర్తి: పర్లేదులే..... ఒకటేగా తక్కువ చెప్పాడు!

Read more...