కిట్టు: కోపం, బాధ రెండూ తగ్గడానికి మందులేమైన ఉన్నాయా మెడికల్ షాపతన్ని అడిగాడు.
మెడికల్ షాపతడు: ఇవిగో, ఈ బిళ్ళలు రెండు వేసుకుంటే ఎలాంటి మానసిక వేదనైనా చిటికెలో మాయమవుతుంది. ఇంతకీ ఎవరికీ బిళ్ళలు? అని అడిగాడు.
కిట్టు: ఇంకెవరికి, మా నాన్నకే. ఇవాళ నా ప్రోగ్రెస్ రిపోర్టు చూపించాలి అని చెప్పాడు.
సూరమ్మ: ఈ రోజు మీ ఇంట్లో టమాట కూర చేశారు కదూ వదినా?
మణెమ్మ: "అరె! అంత కరెక్టుగా ఎలా చెప్పగలిగారు?"
సూరమ్మ: రాత్రి మా దొడ్లో టమాటలు ఎవరో దొంగవెధవలు కోసుకెళ్ళార్లే
పోలీసు నారాయణ: ఏంటయ్యా నా ప్యాంట్కు, షర్టుకు జేబులు అస్సలు కుట్టలేదు? మరి నేను డబ్బులు ఎక్కడ దాచుకోవాలి ?" కోపంగా అన్నాడు టైలర్తో.
టైలర్: "పోండి సార్ భలేవారు మీరు. పోలీసులెక్కడైనా తమ జేబుల్లోంచి డబ్బు తీసి ఖర్చు చేస్తారా ఏంటి? అందుకు పెట్ట లేదు" అన్నాడు.
విఠల్రావు పేపరు చదువుతున్నాడు. భార్య పక్కనే నిల్చుంది. వాళ్ల ముందు ప్రోగ్రెస్ కార్డు పెట్టేసి చప్పున జారుకున్నాడు కొడుకు.
మనవాడి మార్కులు చూసారా? ఆరువందల మార్కులకు మొత్తం కూడిన వంద రావట్లేదు. వాడి చదువు చూస్తుంటే కంగారుగా ఉందండీ అంది భార్య.
ఒక్క విషయానికి మాత్రం ఆనందంగా ఉంది అన్నాడు విఠల్రావు.
ఎందుకు?
వాడు ఎవరిదగ్గర కాపీ కొట్టలేదనేది కచ్చితం.
శీను: 
ఏంటీ, నువ్వు ఏమన్నా సరే మీ ఆవిడ దించిన తల ఎత్తడం లేదా! వింతగా ఉందే, ఏం మం
త్రం వేశావ్? ఆశ్చర్యంగా అడిగాడు.
వేను: తలెత్తినప్పుడు యాబై ఏళ్ల మనిషిలా తలదించుకుంటే ఇరవై ఏళ్ల అమ్మాయిలా ఉన్నావని చెప్పా, అంతే.
టీ తాగడానికి సూరి 'చంద్రం టీ కొట్టుకు' వెళ్ళాడు. అక్కడ చంద్రం తన గొప్పలు చెప్పుకుంటున్నాడు.
టీ కొట్టు చంద్రం: బిల్గేట్స్కు ఉన్నంత డబ్బు సంపాదించి అంతకన్నా గొప్పవాణ్ణి అవుతా
సూరి: గేట్స్కు ఉన్నంతే సంపాదిస్తే అతడూ నువ్వూ సమానం మాత్రమే అవుతారు కదా? అంటూ అనుమానంగా అడిగాడు.
టీ కొట్టు చంద్రం: బిల్గేట్స్కు నాలా టీ కొట్టు లేదుగా అందుకని నేనే గొప్ప అని బడాయిగా చెప్పాడు.
పండక్కి మంచి సూట్ కుట్టిచాలని ఖరీదైన బట్ట కొన్నాడు వీరేశం. దాన్ని తీసుకుని వాళ్ల వీదిలో
ఉన్న టైలర్ దగ్గరికి వెళ్లాడు.
బట్టను టేపుతో కొలిచి ఇది సరిపోదు సార్.... మీకు చిన్నదవుతుంది పెదవి విరచాడు దర్జీ.
అతడి మాటను నమ్మాలనిపించక మరో టైల దగ్గరికి వెళ్లాడు వీరేశం. బట్టను కొలిచి సంత్రప్తిగా
తలూపాడు రెండోదర్జీ.
వారంరోజుల తర్వాత సూట్ తెచ్చుకుందామని వెళ్లిన వీరేశానికి దర్జీ ఐదేళ్ల కొడుకు కనిపించాడు.
వాడికీ తన బట్టలోనే డ్రెస్ కుట్టినట్టు గమనించాడు.
నేనిచ్చిన బట్టలో నాకు సూట్ కుట్టావు, అందులో మిగిలిందానితో నీ కొడుక్కు కుట్టుకున్నావు.
సరే, నీమీద నాకు కోపంలేదు. నాకు అర్దం కానిదల్లా ఆపక్క వీది దర్జీ బట్ట సరిపోదని ఎందుకు
చెప్పాడు ఆశ్చర్యంగా అడిగాడు వీరేశం.
అదా.... వాళ్లబ్బాయికి పదేళ్లు సార్....
ఈ పేజి మొదటికి వెళ్ళండి.
